Tuesday, August 15, 2006

 
يوم إلك .. ويوم عليك
هيك بيقول المتل
شو بضحك عحالي؟ أو بضحك عليك؟
ما حالتنا حالة
وشو باقي يا خالي
في أضرب من هيك؟
لا يوم ولا تكة إلك
كل هالإيام عليك
إي هيك بيقول المتل
إلنا وإلك
ولكل من حولك
واللي حواليك
معابر معابر
بالرخص المعابر
مقابر مقابر
بالرخص المقابر
في بيني وبيني
معابر مقابر
في بينك وبينها
معابر مقابر
في بينك وبينو
معابر مقابر
في بينك وبينك
معابر مقابر
والذل عابر فيك
وفيّ عابر
والقهر عابر فيك
وفيّ عابر
لا إنت بتجي
ولا أنا بلاقيك
وهالدني.. شو هالدني؟
معبر سبيل

بطرس روحانا


Comments:
شو باقي أضرب من هيك
معقول في بعد أضرب من هيك؟
هو هيك ما مفهوم و كيف رح نتعامل مع المخفي إذا كان أضرب من هيك؟
 
هذيان رائع
بطرس روحانا هل يقرب لشربل روحانا؟
 
مؤلم ما قرأت ،كشعور الدمار الذي يلف لبنان



سلام لـ لبنان ورحمة
 
إمرأة لن تكون

شو بيعرفني .. هيك بيقول المتل

White wings

بطرس أخ شربل ، وقد كتب أإلب أغنيات مارسيل خليفة

Authoress

ما حدا عارف شي من شي

تحياتي
 
ممكن المساعدة ؟
هل لـ بطرس روحانا اية دواويين ؟
 
Anonymous

بطرس روحانا لم يصدر أي دواويين ويمكنك فقط الاستمتاع بقصائده من خلال أغنيات مارسيل خليفة .. وإليك بعضاً منها:
توت توت عبيروت
عليها علي عليها
وقفوني عالحدود
طفل وطيارة
يا أرضي اللي ترابك زهر
شوارع بيروت
يا معلمتي إجا الديب

وربما غيرها الكثير .. هذا ما أذكره :)
 
مساء الخير، لدي طلب مهم بالنسبة لي. قرأت لك تعليقاً قديماً في مدونة الا نبيذي، تنصحه فيها بموقع شاعرة خليجية، وقد دخلت الموقع وأعجبني كثيراً. لكن يبدو أنني أضعت العنوان ونسيت الاسم. فهلا ذكرتني به تكن مشكوراً؟
 
Anonymous

I can't remember that comment, but I think it was for Buthayna AL essa, I'm out of the country now and I don't remember the address, but you can google her.

Regards
 
صباحك ومساءك خير .. بين المعابر والمقابر تهمس الزهور .. وفي الأفق هناك ينتظر سيزيف قدره وحيداً!
بإنتظار رجوعك من جحيم الانتصار
 
jubran

كانوا كلهم سيزيف، ما أن يقطعوا شيئاً من قدرهم إلا وأثقلوا بصخرة جديدة .. أثقل

تحياتي لك وإلى لقاء
 
Post a Comment



<< Home

This page is powered by Blogger. Isn't yours?